Bhí tonn teasa go leor nuair a tháinig an ghrian amach agus í ag scoilteadh na gcloch chun fáilte a chur le Fulacht Fia Chairde Ghaillimh le Gaeilge.
Bhain Cairde agus Stiúirthóirí Ghaillimh le Gaeilge ardtaithneamh as tráthnóna álainn ceoil agus bia ag an bhFulacht Fia bliantúil a réachtáladh Dé hAoine seo chaite an 22ú Meitheamh sa Galmont Hotel & Spa, Bóthar Loch an tSáile, Gaillimh.
Is iad Cairde Ghaillimh le Gaeilge Ollmhargaí na Seoighe, Gaillimh, an Comhlacht Tógála Stewart agus Sweeney Oil a rinne urraíocht fhlaithiúil ar an bhFulacht Fia agus tugann Gaillimh le Gaeilge buíochas dóibh siúd.
Ag an ócáid, chuir Bernadette Mullarkey, Cathaoirleach Ghaillimh le Gaeilge, fáilte mhór chroíúil roimh Mhéara nua-thofa Chathair na Gaillimhe, an Cllr Niall McNelis, a toghadh le déanaí.
Chomh maith leis sin, ghabh sí buíochas leis na heagraíochtaí ar fad a thugann maoiniú dóibh. Is ón gCranchur Naisiúnta tríd an Roinn Cultúir, Oidhreachta agus Gaeltachta a fhaigheann siad an chuid is mó den tacaíocht. Faigheann siad tacaíocht comh maith ó Comhairle Cathrach na Gaillimhe agus ó Chairde Ghaillimh le Gaeilge trí Chumann Tráchtála na Gaillimhe.
Tá an tacaíocht seo riachtanach don eagraíocht lena seirbhísí agus tacaíochtaí praicticiúla éagsúla a chur ar fáil dóibh siúd ar mian leo an Ghaeilge a úsáid mar chuid dá ngnólachtaí agus dá n-eagraíochtaí i gCathair na Gaillimhe.
Ghabh sí buíochas leis na meáin chumarsáide lena dtacaíocht ag coinneáil ‘scéal Ghaillimh le Gaeilge’ i mbéal an phobail.
Chuir an Gypsy Jazz Trio siamsaíocht ar fáil don slua agus iad ag baint sult as an mbia blasta i Coopers Bar sa Galmont Hotel & Spa.
I measc Stiúirthóirí agus Chairde Ghaillimh le Gaeilge bhí; David Hickey, Uachtarán Chumann Tráchtála na Gaillimhe, Alan Esslemont Ardstiúrthóir TG4, an Dr Aodhán Mac Cormaic, Stiúrthóir na Gaeilge ón Roinn Cultúir Oidhreachta agus Gaeltachta, Emma Dillon-Leetch Connacht Hotel (Buaiteoirí Gradam 2018) an Teachta Dála Eamon Ó Cuív, Comhairleoirí Cathrach na Gaillimhe: an Clr Dónal Lyons, an Clr Pádraig Conneely, an Clr Terry O’ Flathery chomh maith le Declan Varley Eagarthóir Grúpa an Galway Advertiser agus Bernadette Prendergast ó Galway Bay FM.
Cuireann an Fulacht Fia críoch oifigúil le himeachtaí soisialta/líonraithe Ghaillimh le Gaeilge go dtí mí Mheán Fómhair agus tugann sé deis don eagraíocht buíochas a ghabháil lena cuid Cairde ar fad agus leo siúd a thacaíonn leis an eagraíocht.
Is féidir tuilleadh eolas a fháil maidir leis an eagraíocht Gaillimh le Gaeilge trí ríomhphoist a chuir chuig gearoidin@gleg.ie, nó glaoch a chur ar 091 568876 nó fiú dul chuig an suíomh idirlín ag www.gleg.ie.
