Tá an Taibhdhearc ar thóir scripteanna nua Gaeilge.
Chuirfidh an Taibhdhearc fáilte roimh iarratais ar dhrámaí Gaeilge a scríobh le léiriú ar ardán na Taibhdheirce le féidearthachtaí ar chamchuairt timpeall na tíre ina dhiaidh.
Tá an Taibhdhearc ar an bhfód le 90 mbliain anois agus iad ag dul ó neart go neart. Is í an misean a raibh acu siúd a bhunaigh an Taibhdhearc 90 mbliain ó shin ná Ionaid náisiúnta gairmiúil a chur ar fáil chun léirithe Gaeilge a stáitsiú agus a phoibliú sa Taibhdhearc agus ar fud na tíre.
Áis a bheadh ann chun tacú le hoiliúint agus nuálaíocht le lucht féachana; agus lucht úr gairme amharclainne, a oibríonn trí mheán na Gaeilge, a chothú.
Táthar anois ar thóir scripteanna nua Gaeilge agus cuirfear fáilte ar leith roimh iarratais ó bhanscríbhneoirí.
Déanfaidh painéal de gníomhairí amharclannaíochta measúnú ar na hiarratais agus beifear ag súil le sciar acu a roghnú lena fhorbairt mar scripteanna críochnúil i bpáirt le eagarthóir scripte.
Beidh suas le €5,000 a thairiscint le hiarratas a fhorbairt chun go mbeidh sé ar chaighdeán inléirithe.
Mar chuid de gach iarratas is mithid go mbeadh –
– Uaillmhian agus téama an dráma.
– Imlíne an dráma.
– Bíobla de charachtair ón dráma.
Tá mí fós le dhul roimh an spriocdháta, mar glacfar le hiarratais go dtí an 21 Meán Fómhair 2018.
Is féidir iad a sheoladh chuig; An Coiste Ealaíona, An Taibhdhearc, 19 An tSráid Láir, Gaillimh.
Bígí ag scríobh.
